Коррупцияга қарши курашиш агентлиги томонидан Ўзбекистон Республикаси Президентининг 2022 йил 12 январдаги “Коррупцияга қарши курашиш ишларининг самарадорлигини рейтинг баҳолаш тизимини жорий этиш чора-тадбирлари тўғрисида”ги ПҚ-81-сон қарори талаблари асосида Инспекциянинг 2024 йилдаги коррупцияга қарши курашиш ишлари самарадорлик кўрсаткичи баҳоланиб, 78 баллни (2023 йилда 5 балл) ташкил қилди.

Коррупцияга қарши курашиш ишларининг самарадорлигини рейтинг баҳолаш тизими бўйича 102 та давлат ташкилотининг (жумладан, 13 таси илк маротаба, 89 таси эса такроран) 2024 йилдаги фаолияти 0 баллдан 100 баллгача рейтинг баҳолашдан ўтказилди.

Унга кўра, давлат ташкилотлари фаолиятинг самарадорлиги қуйидаги тоифаларга ажратилди:

41 таси “яхши” – (81-100 балл);

53 таси “қониқарли” – (55-80 балл);

8 таси “қониқарсиз” – (55 баллдан паст).

Баҳолашда ички назорат тизимининг йўлга қўйилганлиги, очиқлик ва шаффофлик даражаси, фуқаролар билан самарали алоқа каби кўрсаткичлар инобатга олинган.

Инспекция келгусида коррупцияга қарши курашиш соҳасида самарадорлик кўрсаткичларини янада оширишга қаратилган вазифаларни изчил ва мунтазам бажаришда давом этади.

“Сувхўжаликназорат” инспекцияси
ахборот хизмати