Айни кунларда қорақалпоғистонлик сувчилар йирик гидроиншоотлар, гидроузеллардаги сув дарвозаларини таъмирлашга алоҳида эътибор қаратмоқдалар.

Жумладан, “Суенли” ирригация тизими бошқармаси балансидаги “Суенли” каналининг 480-пикетида жойлашган “Киндик-узак” гидроузелида таъмирлаш-тиклаш ишлари олиб борилиб, сув дарвозалари таъмирланмоқда.

“Қизкетген-Кегейли” ирригация тизими бошқармасига қарашли каналлар ва гидроиншоотлар кўздан кечирилганда, “Абатжап” магистрал каналининг 205-пикетидаги КС-1-22 коллектори устидан кесиб ўтувчи акведукнинг бетон қурилмалари синиб, емирилганлиги аниқланган эди. Бошқармада тузилган ишчи отряди зудлик билан жалб қилиниб, таъмирлаш-тиклаш ишлари бажарилди.

Қорақалпоғистон Республикаси
Сув хўжалиги матбуот хизмати

манба:www.water.gov.uz